All How Crits Travel

北上大陸開銀行戶口101(最後更新2018年8月)

寫呢篇文既時候,我係第三次因為開立銀行帳戶要上深圳了。其實我自己既帳戶早在大半年前開好左,呢排無論在公在私要上國內既時候,都覺得好方便。再加上最近兩次因為要幫身邊人開帳戶都有難忘既經歷,所以,就寫低同大家分享分享吧。大部份香港人開國內銀行帳戶,大概同我一樣係用黎俾微信支付同支付寶既國內錢包,在中國生活,有左佢會輕鬆好多,就算街邊賣串燒都可用微信黎俾錢,成件事確實係相當方便。

好喇,我地香港人開國內帳戶咁其實有咩要準備?開既話最好係中銀/工商/建行或者農業銀行做,呢篇呢係講工商銀行,係我地最後成功開戶既地方。(比較容易既地方)

開銀行帳戶要準備既野

  1. 一個中國手機電話號碼
  2. 回鄉證
  3. 稅單
  4. 3個月內既地址證明(銀行信最理想)
  5. 香港身份證
  6. 人民幣現金

好喇,都唔少人寫呢篇文,因咩要睇你呢篇?無既因為我有成功例子,失敗例子同差d開唔到既驚險例子分享。

第一樣野,不如講左申請電話卡呢樣野先,最平靚正方法係申請中國聯通一卡兩號(4G自由組合, 網上申請一年服務再用信用卡俾錢每個月只係$12,你可在香港號碼分鐘/數據;中國號碼分鐘/數據4個項目中選一樣。溫馨提示係佢要幾日個號一碼先用到,要等佢送黎係要簽收既,你網上俾錢張卡要係香港銀行出既信用卡同埋要跟你名的。

詳情:https://www.cuniq.com/hk/services-plan/flexi-bundle-plan.html

好喇,搞定左個電話另一個問題係,邊間分行做呢?國內銀行間間分行開既時間都唔一樣,但有唔少週末都營業既,可以上網睇番間分行開放時間,我成功幫自己開銀行戶口同幫P開銀行戶口既係福田口岸間工商銀行。其實一過關就有間中銀,但奉止多人到爆又要國內地址證明,所以過天橋在工商整方便好多。同一條街有埋建行但上次星期六黎佢係無開的。所以你平日整不妨考慮下。

等候時間:上次第一身上黎個陣,個零鐘搞定,岩岩呢轉幫P整,整左接近4個鐘,因為係星期六。

上國內前準備:

  1. 準備好張電話卡,當日要插落手機用
  2. 準備好晒所有文件
  3. 預備好人民幣現金(我整個次係1000,P個次係2000)
  4. 下載好微信同支付寶,整銀行戶口當日或前一日搵朋友send個0.01人民幣紅包過你(紅包24小時唔收會打回頭架)
  5. 下載好中國工商銀行既3個App, (請睇附圖)

過左關後,一入到銀行你要同佢地d職員講,係香港人開銀行戶口。本地人係直接用電腦開,快好多但我地係唔得的。

 

Step1. 排隊在櫃檯俾晒資料職員輸入系統(第二次本身係想幫兩個有香港身份證在香港工作同居住美國人整,總共俾9間銀行狠狠拒絕了)

等候時間:快既話你10分鐘左右就得,第三次上黎我同P等左30分鐘。

 

Step2. 排隊,到銀行既智能終端機填表申請,雖然睇落好似係自助形式但其實當中你一定要至少同兩個唔同職員交手至完成到,其中一個會係你填資料時在附近睇住幾部機既員工A, 佢會在你申請過程中幫你影低你既證件同大頭相既人。到所有程序接近完成時要有另一個員工B核實你既所有資料先得。(唔好諗住step1無問題呢度一定得,P個銀行 戶口就在呢個位卡住爭d申請唔到)

核實完你就會拎到一張銀行卡,一個動態密碼器同一張紙,千萬唔好唔見住

等候時間:快既話20-30分鐘左左,上次幫P申請等同整左接近3個鐘

 

Step3. 將你帶黎既現金存落新開好既銀行戶口,個度有幾部機,所以唔洗點排隊的,不過唔好諗住入完錢就用得,成人手件事只係過左一半左右。

等候時間:5-10分鐘

 

Step4. 將你銀行卡,動態密碼器同張紙仔加你身份證明文件拎晒番排隊見個櫃檯職員, 佢會幫你開通個銀行戶口,跟手會水你將部份錢做定期,我就say左yes, 個幾百蚊又唔會拎唔番人火無所謂。

等候時間:10-30分鐘

 

Step5. 在職員幫助下,用銀行電腦半自助咁開番個三個app,如果你無預早下載定或者等個陣下載,你就有排等。個user name會係你個國內手機,step2個張紙仔印咗你個啟動密碼。 到搞定晒呢度,你個銀行戶口就順利申請完了。

等候時間:10-20分鐘

 

除非你好趕,否則我會提議你立即做埋step6

Step6(強烈建議)打開你個微信嘗試打開封人民幣紅包,跟住佢會要你 做實名認證新增銀行卡資料,你跟住輸入銀行卡號一步一步做,咁就可開埋你微信個中國錢包了。任務正式完成


雖然睇落唔係好難但其實有d情況係會令你申請唔到或者要搞好耐至整到

1.你唔係居民仲要係拎海外護照,又唔係在國內工作或擁有國內水電煤地址證明

2.你個中文名既字好特別,電腦入唔到機,呢件事正正出現在P身上,明明在step1 counter 個職員係整到無問題,但到step2竟然用左手寫,拼音,速成同倉頡基本上所有輸入法都整唔到,最後搞左一輪用佢個簡體筆劃至完成到。

正常黎講,如果你個名係step1經已係職員都入唔到機呢,咁你就會申請唔到,個日我地在step2停滯左個陣其實職員有提過係可搵櫃檯同事整,不過要再等最少兩個鐘,我地當時就經已等左兩個幾鐘,唔想再等到2046。所以,如果你個名比較特別,有時過關都要俾人停機個d, 要做定幾手準備,搵定晒個字既唔同輸入法,或者問定櫃檯個邊幫唔幫到你手。

貼士:

  1. 平日整,唔洗等咁耐
  2. 福田口岸整,人少D
  3. Apps,微信個D預先做定先,銀行有wifi但好慢的
  4. 佢要你稅單(我大半年前都唔洗既)係要個TIN#,有人話唔想俾就話唔洗交稅不過我地就有預備,最好就唔好惹麻類喇計我話。

下一篇,如果大家想睇,我可寫下點樣在中國時好好利用呢個微信/支付寶支付的

(最後更新,2018年8月13日,上一次上中國成功申請銀行戶口日期,2018年8月4日)