All Eat like Local Explore HK

2018香港美酒佳餚巡禮 (附心水攻略)

又係一年一度既Wine and Dine,早幾年因為做AE又係佢地sponsor都有黎玩同飲架!呢幾年就因為做野會黎…..我黎其實係dine比較多,因為實在太多檔花多眼亂呀,呢次因爲可以在VIP session 就黎preview就寫下個人心水等大家黎既時候可以參考下! 嘉賓證可好早黎,仲有杯啦,飲同食都有token(9張Wine Token 3張Food Token),再加隻10週年既紀念杯! 見到有咖啡同環球街頭小吃兩個新區,聽聞陳豪話會落去沖咖啡…… 等我分享下我唔同區既心水先(都幾百檔好似行極都仲有咁)   A104&B131 請來火腿大師幫大家切腿Diverxu 賣西班牙食材既佢地,我在和酒節短短一個月都買左應該有2000野,佢既西班牙燻牛舌超好食,仲有肝醬同下酒罐頭。呢幾日仲請埋火腿大師黎片火腿,絕對值得試! B114.手作日本酒雪糕–WinElite 作為日本酒愛好者加上唎酒師,當然要孜孜不倦地學習,當然要即到!因為呢間舖竟然會用獺祭既「遠心分離」做雪糕……真係想問一聲,傻的嗎!好揼本呀! 仲見到佢有山崎梅酒同柚子酒雪糕,色水好似幾靚,打卡able!再加埋有十四代呢支無濾過都好值得試😇 不過,其實佢主打係賣Wine的😇 B116 Sake Diamond 清酒黎講佢都有唔少,款式好也不少岩我口味,清酒愛好者可以行個圈。 B206 烈酒cocktail-Mix & Max Spirit’s theatre 呢間店有既品牌唔係大brand但不得不話買手眼光好好,佢d rum超好飲,再加埋會做cocktail,都係值得黎既stop C306 要即晚encore既牛酒果椰子布甸–So CoCo 呢隻布丁本身好好食,不過佢隻咖啡飲到大人嗌救命!頭先見到佢有牛油果就膽粗粗問下係咩黎,係椰子布丁底加牛油果,食落有椰香唔過甜但又好rich個口感,下午食完晚上再追加食一杯!佢仲有芒果椰子榴槤火龍果味…..呀….又黎5星戰隊顏色😂 最正莫過於佢有個超正既影相位,基本上係點影都靚。 D002 好味Prime Ribs –Westwood Carvery 其實本身佢個prime ribs我都有o係中環食,今日食既牛肉卷保持水準,係值得食既,份量唔會太大,用黎下酒岩岩好。   D004–好好味既和牛面肉–Le Reve 話說張嘉賓證係有9個wine token加3個food token,我地係有好幾張架,所以頭先過D區搵食,見到佢一份120,6個token好似唔平,但份量唔錯,味道都討好.佢d配菜份量慷慨味都好的,下次可上佢餐廳食下。 呢幾日都會再過去,都見到好多熟悉既臉孔,我估金鐘個邊黎會無咁迫。有緣見到不妨同我say個hi🙂